搜查線：圍村人整手粉 守護瀕臨消失的小食

一磚磚白色、散發着蒸氣的正方體放在同是正方型的大木盤上，遠遠望過去，以為它們是豆腐也不足為奇，但走近再看，就會發現它們沒有豆腐般嫩滑的表面，反倒像是用米粉製成的糕點。這看起來像雲片糕的糕點其實大有來頭，是名列香港非物質文化遺產清單的「手粉」，在圍村以外的地方基本上吃不到，圍村內亦愈來愈少人造，而在落馬洲洲頭村，卻還有一個人努力地守護着這瀕臨消失的圍村小食。
手粉是新界圍村的節日小食，農曆7月時更會用來當祭品「祭家神」、拜祭祖先。「一磚磚白色，整咗出嚟又真係好似豆腐，人哋話點解咁拜神，我就話呢啲係呃鬼食豆腐，你睇吓個樣就知啦！」穿着圍裙的鄭太站在廚房仍冒着熱氣的大爐灶旁，幽默地笑道。
作為一個圍村人，自幼就在村內長大的她當然是從小就吃手粉，不過當女兒說懷念外婆造的糕點、想造給她吃時，卻發現一個重大的問題：「唔識造！」兒時有幫忙造手粉，材料倒是記得，但造法只知個大概，分量更是一竅不通，因為當時她只負責一個工序，就是將米舂成粉：「媽媽負責整，嗰時佢話：『你唔好阻住呀，等我造快啲啦，你哋雞手鴨腳，又淨係喺度玩！』」
憶起這些小時侯幫忙的日子，鄭太說用碓舂米粉最辛苦：「舂幾日先可以造幾底（手粉），因為一到過時過節就好唔得閒，一放學返嚟就話快啲去舂粉。」踩着碓舂米粉，累了又去玩，玩夠了又繼續踩，是辛苦卻又開心的時光。
為了滿足女兒，鄭太向村內的婆婆們請教，卻發現原來部分人已忘記造法。在反覆請教和試驗後，她終於成功造出手粉。其實製作並非太難，只需糯米粉、沾米粉、花生、糖和水這幾樣簡單的材料，不過現時村內只有鄭太一人造手粉，因為全村只剩她的廚房保留了大得足夠放下36格手粉格的爐灶，而且杉木製的手粉格亦無人懂造，「就算我而家叫人整呢個細嘅都係唔合格，已經冇人整，整整下爛咗就冇咗㗎啦。」她說。
「我就唔想圍村嗰啲小食，去到我嗰代之後好似好多都遺忘咗。因為變咗全部啲圍村起晒啲新丁屋，冇晒啲大爐灶又造唔到。」為了保留這圍村文化，鄭太現時會為學校和機構舉辦手粉製作班，而採訪當日，亦有機構帶參加者到鄭太的祖屋體驗製作手粉，一眾參加者圍住廳中的大圓枱，聚精會神地看着她示範，眼中流露出濃濃的興趣。「我想推廣畀啲小朋友知，原先我哋以前都係咁造嘅，唔想畀佢失傳，所以就要保留，推廣畀下一代。」鄭太說。
-----------------------
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！
遊戲下載：goo.gl/j16mcF

[@starsvgrgo301]

我細個都吃個，現在有錢都買唔到啦！希望有多些類似的傳統客家糕點製作影片

[@andrewto3753]

元朗有得賣，$16/4個

[@abbywong8950]

我哋深圳圍村啲圍頭人暫時都仲有人識整，不過個格仔真係要搵人整先得。仲有其他圍頭小食清明仔、茶菓等都係比較傳統嘅小食。

[@akonau8372]

福田圍村每年過時過節都有整

[@monstrrywy972]

標維話你知呢D無人食無玩啦。糯米茲末仲好食。

[@kwanyintang2066]

講左噤多廢話,都冇教人做 ！